Tawong nasubrahan sa inom namatay

Namatay ang usa ka lalaki human nasobrahan sa ilimnong makahubog didto sa basketball court didto sa barangay Malinao East, Lila, Bohol niadtong Sabado.

Biktima nailhan nga si Teodomiro Raut, 48-anyos, minyo, ug nagpuyo sa maong lugar.

Nasayran sa taho nga sa wala pa ,ahitabo ang insidente, nakit-an ang biktima nga nakigtagay sa iyang mga higala gikan ala-una sa hapon niadtong Biyernes ug naabtan ang ilang panag inom hangtud alas 11:3- sa gabii.

Katapusang makit-an nga buhi ang maong biktima sa naasoy nga oras ug pagka-alas 5 sa buntag sa Sabado, naplagan ang patay’ng lawas niini nag buy-od na sa basketbol court sa maong dapit.

Sigun sa pakisusi sa municipal health officer, nga namatay ang maong biktima gumikan sa sobrang inom ug walay tinunto nga nagpaluyo sa kamatayon niini. (Andy Nalzaro)

Source: Boholnewsdaily